尖沙咀|星滙演

🍽🍽🍽🍽🍽🍽🍽🍽🍽🍽 尖沙咀麼地道66號尖沙咀中心3樓 環境：望到維港景色食飯嘅餐廳， 中間有一個舞台，職員話夜晚會有live brand 表演，好有情調 食物： 食美景加持下，午餐餐牌定價唔算貴，包餐湯、餐包，前菜、主食、餐飲，都係百幾至二百幾蚊 是日餐湯：今日係忌廉磨菇湯，用咗新鮮磨菇打發，菇味香濃，打得唔會太細，仲食到幼細一粒粒效果，有咬口 前菜：香炸三文魚卷，36個月伊比利亞火腿多士二揀一。 兩個餐各要一樣，香炸三文魚卷係用炸粉包住三文魚刺身炸，外脆內軟嫩。36個伊比利亞火腿多士多士脆卜卜，入口咸香，用呢個蘸湯更好食 主食： 龍蝦扁意粉 龍蝦原隻上好打卡，蝦鉗貼心開邊左，扁意粉香滑彈牙索晒龍蝦精華，鮮味十足 美國頂級西冷配川式炒雜菜 肉質粉嫩，入口柔軟嫩滑，juicy唔乾身，跟配3款調味，黑椒、鹽、醬汁，想食咩味自己揀